مش بابكى عليك..!!

انا مش بابكى عليك

انا بابكى عليا

بابكى على اللى انكسر فيا

كنت باقول الجرح مش ليا

صدقت كدبة كنت ليا

رسمت صورة ليك

والاخر طلعت مش هى

بكيت عشانها كتيروقلت

ليه الحلم راح

والحب مات مع انك

كنت الدنيا ديا

مش بابكى عليك

انا بابكى عليا

على جراحى على حالى

على كل اللى راح منى

وفعلا انت مش ليا

بكيت عنيا وجرحت فيا

وبرده انت مش ليا

مش هابكى عليك

دانا هابكى عليا

واصلح اللى انت كسرته فيا

ما يهونش عليا هواك..!!

ما يهونش عليا هواك

منا دايما معاك

ولا يجى يوم وانساك

دا العمر كله فداك

والقلب تملى وياك

يبقى ليه انساك

وانا عشت احلم بلقاك

حتى لو مش معاك

قلبى برده بيهواك

يبقى ليه انساك

دأنت اغلى حبيب

وهتفضل منى قريب

دا لو مافيش نصيب

برده انت الحبيب

دا الجرح فقلبى وانت الطبيب

يبقى ليه عنى تغيب

دا ميهونش عليا هواك

وانت قدامى ملاك

يبقى ليه انساك....

حالة وبتتعاش... وهتتعاش!!

مش عارفه ليه بيسيطر عليا اليومين دول جو من الكأبة

فظيع والغريبة مش عارفه افسر سبب لكده وكل

ما اجى عشان اكلم حد باحس انى هاتخنق اكتر وكان بقالى شوية راكنة

مدونتى على جنب بس لاقيت فعلا

ان ما فيش غيرها هتستحملنى اهو بارغى فيها شوية وهارد

على نفسى ...يعنى فترات الواحد بيحس انه

بكلامه هيزود هموم غيره فمش ناقصة يعنى اسكت

وخلينى مع نفسيتى لغاية لما تفك لواحديها ..

المشكله انى باخد وقت وربنا يستر عليا غير

كده كمان داخله مرحلة ربنا يعلم بيها الكامحة

الكل يحذر والبعض يرحب ولما نشوف ايه بقى هيتغير فيا

وايه اللى انا هاعمله بس بالنسبة ليا حاسة ان هتبقى

زى اى حاجه مكان جديد وادخله واشوف اللى فيه

مش اكتر ياما انغلق على نفسى ياما اعيش

اوووف طولت الرغى انا مرة تانية اجى ارخم عليكى يا مدونتى

حبك اجازة صيف...!!

حبيبى....

كلمة بأقولها ومش حاساها..

...بأقولها ويا ريتنى اعرف ايه معناها

حبيبى...

كلمة وقولتهالك لكن مش مكتوبالك..

..كلمة وكتبتهالك لكن مش موصوفالك

حبيبتى.....

كلمة وقولتهالى....وكتير سمعتهالى...

كلمة وكتبتهالى...وكلك احساس يا غالى..

حبيبتى....

كتير وصفتهالى...وكتير قولتهالى

سهرت ليالى تقولها وتعيد..وانا قلبى خالى

حبك ليا...

احساس جميل من قلبك

كنت بالنسبة لك كل اللى عندك

حبى ليك...

احساس غريب مجنون

صرخة من بين السكون

كلمة فوسط السطور

....

لكن قلبك حنون وصافى

حرام يقاسى

حرام يعيش فوهم وهوا امله حلم

....

حبك اجازة صيف

كنت فيها ضيف خفيف

لكن حرام تعيش

لقلب كله زيف..

خدعتنى...!!

خدعتنى....وعيشتنى الحلم الجميل..

رسمت ليا الليل طويل....

وقلت هاعدى بيكى المستحيل

...صدقت كلامك ..وقلت ما فيش غيرك حبيب

قلت هاصون هواكى..وكل عمرى فداكى..

عشت حلمك..صدقت وهمك

صنت عهدك...ووفيت بوعدك

لاقيتك مش حبيب

لاقيت فيك الخيانه ولاقرب قريب

هى اقرب طريق لاقيت الحب عندك

قليل مش كتير

حسيت وانا جنب منك ان قربك مستحيل

لاقيت فبعدى عنك حلمى البرئ

خليك لواحدك....عيش فكدبك

هتعيش وتخدع ناس كتير

هتعيش وتندم وتقول الآه كتير...!!

like any one.....

عايشة زى ما كل الناس عايشين
فاكره حب بقاله سنين
ناسيه جرح وقلبى حزين
عشت بعده سنين كتير
ماليها الشوق والحنين
لقلب كان مخلص امين
كان هوا الدفا وحلم السنين
كان حلم برئ جميل
نسمة الهوا فالليل الطويل
وراح الهوا وضاع الدوا
مالحلم كان مستحيل
وعشت انا زى ما كل الناس عايشين
والجرح فقلبى ومن سنين
مابقاش فايدى غير انى اغنى
واقول للطير الحزين
عالجراح وعالانين
مهو راح خلاص
حلم السنين
وعشت انا زى ما كتير عايشين