زماان حاجه ودلوقتى حاجات

مش عارفه...........يمكن  زمان كنت  بعيط على  حاجات هايفه لعبة....دبدوب  حاجة حلوة كانت همومى  صغيرة لا تتعدى حدود 

اوضتى او الكراكيب اللى كنت بلعب فيها

بس  كان دايما جوايا احساس ان فى حاجه نقصانى او ان مش واخده اهتمام زى  غيرى ما بياخده .....يمكن  كان احساس طفولى

او  نقدر  نسميها  غيرة

بس فعلا كنت بزعل اووى لانى اكيد زى زى اى عيل  صغير بيحب  يدلع  بصراحه ما اخدتش فرصتى  او بمعنى اصح

كانت فترة دلع قصيرة اووى يعنى تقدرى تقولى يا مدونتى  بعد وفاة والدى  الدلع  بح

.....لما كان حد بيموت عندنا ما كنتش  بعيط بالعكس  كنت بلعب مع العيال  واحساس ان كلنا مع بعض ده كان عندى بالدنيا

او ماكنتش افهم يعنى ايه حزن او طعم الفراق ده  ما كنتش بحسه....يمكن وقت وفاة والدى ما عيطش 

مكنتش اعرف ان اللى بيروح مش بيرجع تانى خالص كنت معتقده ان كتير  هيعوضونى وجوده ومش  هاحس بحاجه 

عادى يعنى  كان بيلعب معايا  واخويا  هيبقى يلعب معايا وماما  هتفسحنى عادى يعنى ((صغيرة مش فاهمة بقى))

بس لما كبرت  حاجات  كتير كبرت معايا احزان وهموم ما كنتش اعرفها او احس بيها  ولا  افهم معناها ايه

اكتشفت ان اخويا  معتش  هيلعب عشان بقى راجل  ان ماما خلاص مش  هتفسحنى  عشان بقت ست كبيرة وتعبانة

عارفه يا ماما انا بحبك اووى اه والله يمكن ما بعرفش اعبرلك عن حبى ليكى بس  صدقينى ماليش غيرك والله بعد ربنا

نفسى تسامحينى  عن اى غلطه غلطها فحقك

بحبك يا امى 

مخنوقه على غير العادة

هو انا  ما بجيش   افضفض   من زمان صحيح ..اصلى افتكرت ان لاقيت  بشر  هتسمعنى
بس للاسف  كنت غلطانة...ونسيت ان"لا يؤلم الجرح الا من به الالم"....وان محدش  هيحس بيك غير نفسك
يمكن اكون متشائمة شوية بس  فعلا  ما بقتش احس براحه مع اى حد عارفه يا مدونتى يعنى ايه تبقى مخنوقه وماتلاقيش  حد يسمعك

لان كلامك ممكن يتاخد عليكى فاى وقت غلطانة  او مش غلطانة يبقى الافضل  انى اسكت صح...!!

انا  ناس كتير  جدا خذلتنى  ...انا ما باقولش انى اتعقدت بس ما انكرش بدات اوصل لمرحلة  انعدام ثقه مش بمعنى ان  حد 

بيخونى وكده لا...انعدام ثقه ان  حد  فعلا  بيحترمنى او بيقدرنى صح  او كنت واخده عنه فكرة واكتشفت انها غير الواقع تماما

الصعب فالموضوع ومش هاطول عليكى  يا مدونتى العزيزة

انك تتصدمى فاقرب الناس ليكى ولو الشخص القريب ده نزل من نظرك صعب  يرجع تانى..

اى نعم اتغيرت  واعصابى  بقت مشدودة عالفاضى والمليان  ووزعلت منى ناس كتير بس والله غصب عنى 

من عشمى انهم هيسامحو لكن انا  بحبهم زى ما ليهم زكريات  وحشة ليهم برده معايا ايام حلوة

ولو ان ايامى الحلوة بقيت بعدها...ما علينا باتمنى وجهة نظرى تتغير ان الوحده افضل بكتير من انى ابقى فوسط ناس مش  عايزانى

ومش  راغبة  فوجودى او  بتبرر وجدها معايا انها بتشفق عليا او انى صعبت عليها....ميصعبش عليكو غالى...!!