ايام زمان....زمان اووى يعنى..!!

باسرح احياناواقعد اقول لنفسى ياااه قد ايه انا زمان كنت سعيدة

فرحانه ومش بافكر فاى حاجه غير بس

هالبس ايه بكره هنلعب ايه ياترى العيال اصحابى

هيقولو على العروسة الجديدة ايه

هنعرف نضحك عليهم ونخرج ياااه هاسافر امتى عشان العب واتفسح

يا ترى بابا جابلى اللى طلبته منه حبيبى يا بابا

ماما

هترضى تخلينى اروح للبت صحبتى

حاجات هبلة اووى بس كانت ساعتها دى منتهى سعادتى

دلوقتى عندى احساس بالتوهان اوهرشة المخ تقريبا زى

ما يكون ما بقتش عارفه

ايه اللى عايزاه ويفرحنى وايه اللى مش عايزاه

بقت ايام وبتتقضى يمكن منكتر الحاجات اللى واحد بيواجهها وبيكتم فنفسيته

عشان عايز يكمل بس مش اكتر

مهو لو هنقف على كل حاجه عالواحده يبقى اللى اللقاء فالعالم الاخر

كل اللى اختلف عندى حاجات كتير اووى من زمان لدلوقتى

طبعا مش زماان اووى يعنى

انا مش عندى شتين سنه

بس ناس حبيتهم فارقتهم وناس اتمنيت يكونو معايا راحوو او

تاهو فزحام الحياة((حلوة زحام الحياة دى))

ناس عرفتها على حقيقتها الى حد ما

حاجات ندمت عليها وحاجات باتمناها

بمعنى اصح حاسة انى اغيرت وما كنتش عايزة اتغير

ما علينا وحشتينى يا مدونتى بافضفضلك